Кроме обычных паломнических автобусов, приезжают целые автобусы больных онкологией, на которых страшно бывает смотреть: это худые, бледные, изможденные люди с третьей-четвертой стадией болезни, они сами говорят об этом, рассказывают о метастазах. И мы уже не удивляемся, когда те же самые паломники приезжают к нам спустя несколько месяцев и рассказывают о значительном улучшении состояния или даже благодарят за исцеление.
Многие больные после поездки к святителю Нектарию, прежде чем продолжать курс лечения или ложиться на операцию, сдают анализы или проходят обследование повторно. И результаты анализов, и обследования свидетельствуют о полном исцелении!»
Молитвы святителю Нектарию Эгинскому
Тропарь, глас 1:
Силиврии отрасль и Эгины хранителя, в последняя лета явльшагося, добродетели друга искренняго, Нектария почтим, вернии, яко божественнаго служителя Христова: точит бо цельбы многоразличныя благочестно вопиющим: слава Прославльшему тя Христу, слава Давшему ти чудес благодать, слава Действующему тобою всем исцеления.
Молитва:
О мироточивая главо, сятителю Нектарие, архиерею Божий! Во времена великаго отступления, нечестию мир пленившу, благочестием просиял еси и главу прегордаго денницы, уязвляющаго нас, сокрушил еси. Сего ради дарова ти Христос врачевати язвы неисцельны, за беззакония наша нас поразившия. Веруем: возлюби тя Бог праведнаго, да тебе ради нас, грешных, помилует, от клятвы разрешит, от недуг избавит, и по всей Вселенней страшно и славно будет имя Его, Отца и Сына и Святаго Духа, ныне и присно и во веки веков. Аминь.
Молитва при онкологическом заболевании:
О святителю Нектарие, отче Богомудрый! Приими, блюстителю веры православныя, исповедание устен людей христоименитых, собранных днесь в храме благодатию Божиею, в тебе живущею. Весть бо достиже до предел Российских, яко ты, велий во святых угодниче Христов, во всех концех вселенныя призывающим имя твое являешися и от раковыя болезни исцеление даруеши.
Слышахом об иерее, тебе тезоименитем и храм во имя твое созидавшем со скорбьми велиими. Раковою убо язвою грудною поражен бе, крови на всяк день точащейся, и страждаше люте, дела же своего святаго не оставляше.
Внезапу ты, святителю многомилостиве, с небесе сшед, ему во храме предстал еси в видимом образе. Он же непщуя тя собрата едина от смертных быти, прошаше молитв твоих и рече: «Боляй есмь вельми, обаче хощу святый олтарь наздати, да поне единожды святую литургию вкупе с прихожаны совершу; послежде и умрети готов есмь, смерть бо мя не страшит».
Ты же, отче, безплотен сый, слезами лице свое орошаше, и объем страдальца, лобызаше и глаголя: «Не тужи, чадо мое, яко, болезнию испытан, здрав будеши. Вси убо о чудеси сем ведати имут». Он же, исцелен быв, абие разуме, с кем беседоваше, тебе невидиму бывшу.