[71] Ko Rau Nui matua tane о Hetereki te mee toe mo tuu ki te motu era о Motu-Nui. [72] E kau roa i takea ai e te nuu о te tupahotu etahi he ragi peneie: [73] «Ku kokoti taa poki a Hetereki e au. [74] Ku kai a e au. [75] Ai te horeko toe oona ai!» [76] I te imata keva о Rau Nui he hakatikea atu hai tutuma miro.
[77] He manau mau Rau Nui peneie ku oti a Hetereki he hoki tua mai mo ati i te kopeka a taana kope hangarahi. [78] He hum ke Rau Nui о te kokoti ia Hetereki. [79] I ui mai era te tupahotu peneie ku tano a te reoreo о raua he piko i tua i te maea.
[80] I ea atu era Rau Nui mai roto i te vai he tau hai maea etahi. [81] He more ino Rau Nui i te maea e he ruru he higa ki raro. [82] I higa era he manau tou tupahotu era peneie ku mate a he hoa ro atu ai. [83] He oho he piri i ki tetahi nuu era mo taua ki Motu-Nui.
[84] A Haga-o-teo i horo ai a Hetereki pe Rano Kau. [85] He hakakau e te hoa ki Motu-Nui. [86] He hakatakataka i toona mahigo mo hakanoho i te taua i Motu-Nui. [87] I tuu atu era te taua a te tupahotu mo eke ki Motu-Nui, he kokoti mai e te nuu о Hetereki ina he hihihihi. [88] Peira a te rua nuu.
[89] Mo ui i te hopea о te taua he vae Rapu i te tagata ririva о te tupahotu. [90] Hakakau i te nuinui mau о te tupahotu ki Motu-Nui. [91] He hakanoho hakaou mai e Hetereki tae ko iti i mate.
[92] I ui era te miru ki to raua aito he vanaga mo hakagau mai i te taua ki te taua ki te tupahotu ku huruke ana. [93] He hakaau mo tomo mai ki uta mo taua i ruga i te henua ki te tupahotu. [94] I te ponui he kau mai ki Mataveri ma te tae takea e te tupahotu. [95] Kai maeha ia i ravaa ro ai te kona rivariva mo te taua.
[96] I tuu era Hetereki ki ruga i te hernia, he ui ku haoa a matua oone. [97] E ora noa ia. [98] I ui era peneie haoa tae nuinui e tae ino, he taua hakaou.
[99] Erua nuu taina kakega ko Tuu Ihi, he nuu о Hiti Uira, i ui hakaou era i te oti о te tupahotu he ite peneie ku hurl a te huru о te taua. [100] He neke ke mai mai muri i te tupahotu he hakapoa kia Hetereki. [101] He ki kia ia mo hakauga a tua о te nuu tupahotu. [102] He ki Hetereki: «Ku tano a».
[103] He pua te taua о te mini raua ko te tupahotu, he oti tahi te nuu о te tupahotu. [104] Eha no tagata i ora. [105] Ko toa ga taina era о Hiti Uira. [106] He oti о te taua a Hetereki, he toe i tou nuu era eha mo hakaite i te pau ki to rau matua tane.
[107] I oti era te taua he hoki mai raua ko toona taina erua, koia ko te nuu paoa ki toona matua tane. [108] He takea he mate haga. [109] He oho etahi taina he hakahahine ki te matua tane.