[151] E rua taina, ko Mahute, ko Tekona. [152] Ararua he vie o te tupahotu. [153] He ga vie nei erua, ku ite a peneie tou ga taina era о raua i Motu-Nui ina he oo te hagu. [154] He ki ararua mo pua i te rima. [155] He ki ararua mo mau ki Motu-Nui hai hagu ki te ga taina era о raua. [156] I oho era etahi raa ki Mataveri, he ui ina he tagata tiaki о te tupahotu i te tahataha vai kava.
[157] Taha era te raa о te rua raa he puhi i te umu e Mahute raua ko Tekona. [158] I po era he ki Mahute a Tekona ki to raua kenu mo oho mo hakaraga i tai. [159] He ki: «Ku mao а» e to raua kenu a Mahute raua ko te kona.
[160] He oho ararua vie ki Mataveri ki te kona i ira i naa ai i te umu. [161] Ina kai hakaraga mee ke i aga, he pora. [162] He hakaeke ki ruga i te umu.
[163] He kau ki ruga ia Motu-Nui, a Mahute raua ko Tekona. [164] He hakakau e tou ga vie era i te pora. [165] He pori i Motu-Nui ki to raua taina e kio ro a i roto i te ana. [166] Te matahiapo ko Kakega e hauru roa. [167] A Tuu Ihi e taaki roa i te haha.
[168] Tekona ku ite a i te patautau, he mee kia Tuu Ihi a ka hauru ro. [169] He hakahahine tou ga taina era ki tou nuu hauru era, he hakarivariva i mua ia raua i te kai mau era. [170] I oti era he hakaera i tou ga taina era e Mahute raua ko Tekona. [171] Kakega raua ko Tuu Ihi, he aara mate mataku. [172] Ha ui pehe i take ai to raua kona kio.
[173] I aroha era ki to raua taina he vanaga Mahute raua ko Tekona i te ohoga, he aroha tagi i to raua rakerake hagu. [174] He hakatikea ki tou ga taina era i te kai mau era mo hagu.
[175] I kai era Kakega raua ko Tuu Ihi i te kai mau era tou ga taina era he ki ki te ga taina erua mo hoki ki uta mai Motu-Nui. [176] He ki e te ga taina mo kau a Mataveri, mai kore e te nuu tupahotu tiaki о ira. [177] He ki ki toraua taina tane, mo oho ki Rano-Kau kio i roto. [178] He ki ki tou ga taina tane e ai roa te hagu о raro о Rano-Kau. [179] He ki ki te ga tame tane era kona riva mo raua mo mau hakaou i te kai a Rano-Kau.
[180] Kakega raua ко Tuu Uri be hakarongo ki te ga taina he ki mo ohoro ai ananake. [181] В haga a mo ite ana tae ai ha ieoreo tou ga vie era erua. [182] I oti era te hakaora itiiti he kau mai a nana ki Mataveri. [183] I te ohobaga mai ananake i vanaga ai e tou ga taina vie era kia Kakega raua ko Tuu Ihi peneie i to raua hare mauga Tuu-Tapu e noho era te ariki ko Uira.
[184] I tuu era ki Mataveri ina kai hakaveveri he oho ke tou ga taina vie era mai muri i te tagata. [185] He kio ararua i roto i te ana etahi о Rano-Kau. [186] Ina he veveri e mau era te kumara, te taro te maika. [187] A Mahute raua ко Tekona e mau roa i te moa, i te ika taatoa te raa ina he ite e te kenu. [188] I te rivariva о te kai о Kakega raua ko Tuu Ihi, he puai hakaou te hagu kai hini ia.