[1] I a te Kauaha te ao. [2] He ea te paoa ki te tagata kai, he piko, he kio, ananake te mata. [3] He noho etahi mata о te Kauaha, i a ia te ao.
[4] He moe a te Kauaha ki te uka a te Kauaha era a. [5] A te Kauaha he hunoga о te Kahu Mea, a te Kahu Mea he hugavai о te Kauaha. [6] Etahi kope a te Kahu Mea, ko Tori te igoa, mo taokete о te Kauaha. [7] Etahi maaga hagai a te Kahu Mea.
[8] He kio raua atotoru. [9] He tere, he piko atotoru i roto i te ana «Ко te Tahito-o-te-Ragi». [10] Etoru te kauatu matoru mata i roto i te ana. [11] О te Kahu Mea te ana ko te Tahito-o-te-Ragi. [12] He uru ki roto ki te ana, he noho ananake te mata.
[13] He hatu i te vanaga rivariva e te Kahu Mea raua to taana kope ko Tori ki te kio о piki ki ruga ki te opata, о tikera ro e te paoa, о kai ro e te paoa. [14] He ki e Tori: «Maaku a e ea ki te menu, e poko i te po i ruga i te opata, e turu ki tai ki te auke ruku mo hao о te manu; maaku a e iri ki ruga, e turu kiraro ki ti rano, ki haho ki te paka, ki te vai uutu mai hai kaha, hai para, e rara te rito hai ahi mo kokohu о te para о gaaha te vai; maaku a e iri ki ruga ki Vai-Ata re ki te kumara keri mai; maaku a e ui ki paka te tai he turu au, he here mai i te koreha mo tatou mo kai».
[15] He noho atatoru te agahuru matoru mata; etahi mata he ea mai roto mai. te ana i te po ki te manu poko, ko Tori a te Kahu Mea. [16] I a ia te uutu mai te vai mai raro mai to rano te keri mai i te kumara, mai ruga mai Vai-Atare, i te marama rae.
[17] He ki, he ui A Te Kauaha kl taana vie: «Не koro, he toou ure?» [18] Ku ki ro ai taana vie: «Ku kio a pehe toou hugavai, i а kое te ao». [19] Ku ki hakaou ro ai a te Kauaha ki taana vie: «E iri koro, e hakauga mai raua ko toou ure ki te koreha here o te ao».
[20] He iri tou vovo era a te Kahu Mea, vie era a te Kauaha, he iri he kimi i ruga i Vai Atare, koia ko kaha kumara ko moa koia. [21] He tuu ki Vai-Atare, he kimi tou vovo era i ruga i Vai-Atare i mua i te hare. [22] Ku iri a te poporo kiruga era ko hikikioe koia, ka van ka pauro te hare.
[23] He too mai, he hakarere i te kaha kumara ko moa koia i mua i te hare mo tikea, mo agiagi te tooga i te kaha kumara mai mua mai te hare, ki agiagi mai, ai nara koro, toona matua.
[24] Te raa, te raa, te raa. [25] Ina kai tikera mai e tou vovo era a te Kahu Mea. [26] Ko te ono о te marama i te tikera ai i a Tori i raro i te rano, i haho i te раkа, e huhuti ana i te gaatu mo te moega, mo heriki, mo pua о te kio. [27] I tikera era e tou vie era a te Kauaha, he turu, he oho ki raro ki te rano, ki te tahataha о te rano ko kaha kumara koia.