28.1. [Е te magamaga toto]
[1] Hahie ki Anakena te nohohaga о Tuu Hereveri tagata hoou. [2] Te aga a Tuu Hereveri he aga i te vaka mo te mahigo. [3] Rootui о te ite rahi i te aga a ana. [4] Pauro e mahigo he oho he hakahahine kia ia ana aga hai vaka. [5] He haki ki te taatoa kona ana haga hai vaka e tahi.
[6] Toona hare uriuri, tuu pahe vaka aro, huri a raro, ana ui atu mai te roa. [7] Hare topa hokotahi, hahine ki te tapa о te vai kava. [8] I ira nohohaga о Tuu Hereveri, raua ko taana vie, ko Uka, ko ia ko taana poki ko Ratoka.
[9] Etahi ahiahi i ea era Tuu Hereveri mai toona hare ki te aga i Togariki, he pu a Ruko hahine ki toona hare. [10] A Ruko he paoa maori rahi etahi о te Miru. [11] Te hagarahi о te ariki ko Miru о Hata kia Ruko о te puai mo te tamai. [12] A Ruko e maruaki roa he uru ki roto i te hare о Tuu Hereveri.
[13] He piri kia Uka, vie a Tuu Hereveri, hokotahi no, he nonoi kia Uka hai kai. [14] He kata Uka mo ona, he tute ki haho mai roto i toona hare. [15] He ragi Uka kia Ruko: [16] «Ina aaku mee ma au. [17] Ana ai taaku kai he avai au ki taaku kenu, ki te poki». [18] Te riri Ruko, he ragi kia Uka: «Ku maruaki a au, ka vaai mai te kai». [19] He pahono hakaou te vie «Ina a aku mee», he riaria i te riri о Ruko. [20] Ku garo a te mataku e Uka he haga mo ragi kia Ratika. [21] A Ratoka e kori ro ana i te tapa о te vai kava hahine mai. [22] He moko a Ruko ki ruga ia Uka, he aaru a te puoko, he hakahiga ki raro. [23] He tipatipa a Uka. [24] He haoa a Uka i te mataa a Ruko.
[25] He gau e Uka i te magamaga tumu о Ruko. [26] I ui era peneie ina о ona ora he ragi peneie: [27] «Noatu tooku mate mo taaku poki ko Ratoka kое e tiagi. [28] Tooku kopeka e ati ma Ratoka a hati tou magamaga a ira tou hagu ana hakamao. [29] E ko tuu kuhane, e ko tuu ki Hava Iki, he kau tahaga tou kuhane».
[30] He kata Ruko ki te vanaga a Uka, he gatu i te gao. [31] He hakatee i te kokoma he hatui, he kai, he kore te maruaki. [32] He hore etoru morega о te hakari mo mau mo taana mahigo. [33] Ku haga a mo о mau mo. [34] He rae a i kimi ai i te poki era о otou vie era te tahataha tai, ina kai takea, ina о te kona taatoa. [35] Ku roa te tau kai takea, he haamata Ruko, he riaria. [36] Тe po te otea e garoa, era te reo о tou vie era i te tavake. [37] He ite Ruko te reo о te tavake, о Uka. [38] Ko riro a he manu mo tute nui. [39] He piri ki te tahi paoa mo hakarehu о te ati. [40] Ina he rehu e topa no a te manau о Uka. [41] Te vanaga a Uka peneie: «E oti ino ro kое rakerake».