[14] E ai roa te repahoa о Mata Poepoe i roto i te Mini ko Rapu te ingoa. [15] A Rapu e hakatitika tahi roa i te mee a Makemake koia ko ui tahi i te mee tapu.
[16] A Makemake hagarahi kia Rapu te kona keukeu mee hakake te rivariva. [17] A Rapu tagata rava keukeu. [18] Mee haga, mo rivariva no о toona hare о te aga peira а о te mee oka. [19) E haga roa mo ata rivariva о taana mee keukeu henua. [20] E haga roa mo ite pehe taana kai oka ana hapao. [21] E haga roa mo ite pehe ana haaputu te vai.
[22] Ku ite a Rapu ite oromatua peneie e tuu roa Makemake ki Motu-Matiro-Hiva. [23] He manau Rapu mo oho ki Motu-Matiro-Hiva.
[24] Etahi popohaga i te о a he eke ki ruga i toona vaka he oho ki Motu-Matiro-Hiva. [25] Kai vanaga etahi mee peneie ki he a.
[26] I vaega о te vai kava he topa te ati nuinui. [27] He hakapua toona vaka e te vava nunui. [28] He mataku Rapu i te hututiri raua ko te uira. [29] Ku ite a peneie a Makemake e ko hakare ia ia ka tuu rivariva ro ki te motu.
[30] Agarahi tuu ai ki Motu-Matiro-Hiva mo hakahahine ki te maea. [31] He ара no te toe i te vave nunui i te tomohaga. [32] Agarahi i tomo ai ki uta.
[33] He veveri Rapu i ui atu era ki toona repahoa ko Mata Poepoe, te manau ko Makemake mo piri. [34] He ui Rapu kia Mata Poepoe: «E aha а кое i nei?» [35] «E mamae a au ia Makemake» i pahono ai Mata Poepoe ki Rapu.
[36] He ui Rapu toona repahoa: «О te aha кое i mamae ai?» [37] He vanaga e Mata Poepoe peneie te riri о Makemake mo ona о te tae hakahoa i te kai kia ia irae e о te kata mo ona.
[38] He ki Rapu kia Mata Poepoe mo aro kia Makemake i rugaa: [39] «Ai roto i tooku vaka era te uha, te kumara, te taro. [40] He tabu to taua kai he hakahoa kое i tau paiga kia Makemake. [41] Hai vai ena he kore te riri о Makemake» e ki era Rapu kia Mata Poepoe.
[42] He oti a, he aga te kai. [43] He hakauhu Mata Poepoe i toona maruaki о te taatoa nohoga era, he too mai, he hakahoa kia Makemake.
[44] A Makemake i hakarogo mai era ki te ani atu о tou gagata era erua, he topa mai pahe repa maitaki etahi. [45] He kore te utua a Mata Poepoe, he ki e Makemake ku tanoa mo hoki raua ko Rapu ki te Pito-o-te-Henua.
[46] He hakaite Makemake kia Rapu i te hakapaka i te ika peira a i te tauaki i te ika ki te tokerau о te hakarogo. [47] He hakaite i te raraga i te kete mo hapao о te kai henua. [48] He hakaite i te hakahiohio i ruga i te ahi i te kaha, mo haaputu i te vai. [49] He hakaite i te aga i te toki a te aga mo aga.
[50] I hohoki mai era ararua he koa tahi te Miru о te Pito о te Henua. [51] Te manau о te Miru ku oti a Mata Poepoe. [52] He tau hai maea e te Miru ia Mata Poepoe. [53] E manau era peneie he tuu mai to raua akuaku.