4.1. [A Taga Roa, e te uha]
[1] He iri mai Taga Roa raua toona taina i te po. [2] He amo mai i te kupega viri mo te ika mo tuku i Haga-Tee. [3] He tuu i Haga-Tee, he tuku, he ravaa te ika, he oho ki Huareva, ki Akahaga.
[4] I Ana-Vaero he tikera te uha etahi i ruga i te maea. [5] He oho te rima, he too mai i tau uha era mai ruga mai tau. [6] He mau, he oho, he tuu ki Haga-Nui.
[7] Ku moe ana Taga Roa i tau uha era i Ana-Vaero i moe ro ai. [8] He mau, he oho mai, he tuu ki Haga-Nui te haga mouga.
[9] E uru vai i te ika. [10] He tomo ararua ko te tagata taina ki uta, he oho ki te Vai-Magaro, he hohapu.
[11] He too Taga Roa, he tigai ki tau uha era he hakatee, he umu, i tau uha era i roto i te taheta. [12] He noho te kokoma, te hatatu.
[13] He amo te ika, etahi am о i kupega, he oho, he hoki ararua. [14] He tuu ki Tuu-Tapu a Taga Roa. He noho.
[15] He turu te nuahine etahi mai te Haka-Rava ki te vai uutu mai Haga-Nui mai raro mai te puna. [16] I ka tuu atu ko te poki e tagi no ana i roto te taheta. [17] Tau poki era he tagi era mai roto mai te hatatu moa.
[18] He oho atu tau nuahine era, he uutu mai i taana vai irae. [19] He hoki mai, he too tau poki era, he hapai, he iri, he oo ki roto ki te hare. [20] He tunu maea vera, hakahopu i te poki hai vai vera, he maitaki, he hakamoe te nuahine. [21] He kimi te nuahine hai vie u, he pavaa mo hakaomoomo о tau poki era.
[22] He nape te igoa, ko Tuki Hakahe Vari te igoa о te poki era. [23] He hagai, he nuinui, he noho i te Haka-Rava.
[24] He ui ki te nuahine: «Не tooku matua». [25] He ki te nuahine: «Ina oou matua». [26] He mou tau kope era. [27] He tuu hakaou toona, he ui hakau tau poki era: «Не tooku matua». [28] He ki tau nuahine era: «Ai te ragi e uri mai era».
[29] He noho, he ki ki te tagata, he ragi: «Ka aga te rago mo too i au mo oho kia Tuu». [30] He aga te rogo e te tagata.
[31] Erua vie roau ia Tuki Hakahe Vari ko te ga mee rakerake Aara Poto, о raua a Tuki Hakahe Vari te roau. [32] He noho era, he oti te rago.
[33] He tagi Tuki Hakahe Vari mo tau nuahine hagai era ia ia.
[34] He tehe mai te tagata, te vie, he too ia Tuki Hakahe Vari. [35] He oho kia Tuu, ki toona kona; he tupa, he oho te rago e te tagata, e te vie.
[36] He oho era tagata hoki mai te mamate. [37] He oho ko tagata ko ia he mamate era i te ara he oho era, he mana о te ariki о Tuki Hakahe Vari. [38] He mana о te ariki о Tuki Hakahe Vari.