Ак калфак киеп әйләнә,
Күчәрендә Җир Шары.
Ак калфак нуры яктырта,
Чиксез Җиһан юлларын!
Речитатив:
Дөнья авыр дип яшәмик,
Барысы да бер уза.
Аклык, пәкълыкка чакыра,
Ак калфак башыбызда.
Әнкәй сөте кебек ап-ак,
Без кигән ап-ак калфак.
Безгә ал таң, ак бәхетләр,
Вәгъдә итә ул һәр чак.
Ап-ак булсын, гел пак булсын,
Карлардан ап-ак калфак..
Без рухлы дип, тарихлы дип,
Хәтерләтеп торачак.
Без динле дә, иманлы да,
Без данлы булдык һәр чак.
Кисәтеп тора бу хакта,
Безнең башта ак калфак!
Әбкәм-әнкәмнең калфагы,
Кызыма калыр бер көн.
Мин дөньяда иң чибәр кыз,
Дип сөенер ул һәр көн.
Ак калфак һәм түбәтәйләр,
Бер ядькәр буыннардан.
Бер изге истәлек бит ул,
Әби һәм бабайлардан!