Великая же государыня, старица иноко Марфа Ивановна, видящи архиепискупа и всего вселенского собора неотложное моление, и боярское челобитье, и всенародново множества всего православнаго крестьянства многово плача и вопля, и рыдания и стенания, царское свое сердце на милость преложи, слезныя источники со многим духовным умилением испущая, глаголаше: «Велий еси Ты, Господи, и чюдно дело Твое! Кто бо разуме разум Твой, Владыко, или кто когда советник Тебе бысть? Но якоже хощеши, тако и твориши, и воли бо Твоей никтоже может противится; твориши бо, елико хощеши». И глагола преосвященному архиепискупу Феодориту, и всему вселенскому собору и боляром: «для ради всемилостиваго, в Троице славимаго Бога нашего, и пречистая пренепорочныя Владычицы нашея Богородицы и Приснодевы Мария, крепкие крестьянские надежи и заступницы, и великих чюдотворцов Петра, и Олексея и Ионы Московских и всеа Русии и для чюдотворных образов воздвигнутая, и вас богомолцов наших, митрополитов, и архиепискупов, и епискупов и всего освященнаго вселенскаго собора толикого подвига, и бояр наших и дворян и всея земля всего православнаго крестьянства, и их жон и детей и с сущих младенец, и их многово вопля и рыдателного гласа и неутешнаго стенания Богу Вседержителю, и пречистой Ево Матери, и великим чюдотворцом Петру, и Олексею и Ионе, и всем святым, просиявшим в Руси, и вам богомолцом нашим, и бояром, и всему христолюбивому воинству и всему православному хрестъянству, даю вам своего возлюбленнаго единороднаго сына света очию моею, единородна мн суща Михаила Федоровича: "да будет вам государем царем и великим князем, всеа Русии самодержцем, в содержание скифетра царствующего града Москвы и всех великих государств великого Росийскаго царствия". А вы б, богомолцы наши, митрополиты, и архиепискупы, и епискупы и весь освященный вселенский собор молили всемилостиваго, в Троице славимаго Бога нашего, и пречистую Его Богоматерь и великих Московских чюдотворцов, о его государском здравии, и о вселенском устроении, и о благостоянии святых Божиих церквей и о утвержении святые православные нашие хрестьянские веры; и отовратил бы Господь Бог от нас ото всех православных хрестьян меч ярости Своея, и государство бы устроил мирно и немятежно и ото враг непоколебимо на веки, и покорил бы под нозе наша вся враги востающая на ны; а святая б наша и непорочная истинная хрестьянская вера сияла на вселенней, якоже под небесем пресветлое солнце, а крестьянство б было в тишине и в покое. А вы б, бояре, и околничие, и чашники, и столники, и дворяне, и приказные люди, и дворяне ж и дети боярские, и головы стрелетцкие, и атаманы, и казаки, и стрелцы и все христолюбивое воинство, и гости и торговые люди, и все православные крестьяне всего великого Росийскаго царствия, по своему общему совету, единородному сыну нашему, а своему Богом избранному государю, Михайлу Федоровичю, служили и прямили во всем безо всякого позыбанья; и к вором ни х каким не приставали, и воровства никакого не заводили, и из ыных государств на Московское государство иных государей, и Маринки с сыном, не обирали, и им ни в чем не доброхотали, и с ними ни о чем не ссылалися, по своему водному крестному целованью, чтоб и достал наша истинная православная крестьянская вера от иноверцов в попрании, а Московское государство в конечном разорении не было».