, и украси ю боле 30 гривенъ злата, кроме сребра, и драгаго камения, и жемчюгу; и созда церковь каменну Успения Пресвятыя Богородицы
[631], и верхъ ея позлати, и постави в ней икону Пресвятыя Богородицы, и вда ей села лутчая и десятое по всемъ
[632]. Сей убо благоверный великий князь Андрей все упование свое возлагаше на Бога и на Пречистую его Богоматерь, и ни о чемже о земныхъ печашеся
[633], но токмо достизаше небесная, и яко орел ношашеся периемъ высокопарнымъ и легце возношашеся къ добродетелемъ воздуху. Темъ
[634] во устех ему бе Давидъ медоточный
[635], и долу легания
[636] на жестоко постланне постели и плотскаго смешения со женою си до конца ошаяся
[637], и ни во снех ему соблазны женския мечтахуся, паче же рещи
[638], яко звездамъ уподобляшеся всякимъ сладкодушиемъ, церкви созидая и нищих удовляя
[639]. Удаляя убо удалися от нея, и отбеже бегая и особящаяся на зде бысть птица и нощный вран без сна на нырищи
[640].
[641] Но сия вся неугодна быша жене его, требоваше бо пригорновения
[642] и плотскаго смешения.
Прежде помянутым же шурьямъ его, Кучковичем, возрастъшимъ и живущимъ у великаго князя Андрея в велицей чести, с ними убо жена его совещався, и зло мыслитъ с ними на господина своего, великаго князя Андрея Юрьевича. И по некоемъ времяни отай[643] приводит я к ложу его и предаетъ того в руце врагомъ, супружника своего, яко Сампсона Далида[644] и яко убийственная Тиндарида[645] сожителя своего храбраго ироя. Кая убо щеньца кормящия лвица дерзну когда таковая сотворити, или кая злогневная мечка[646] сице содея? Втекоша убо убийцы оны, окаяньнии Кучковичи, со оружии к нему, яко следящии пси, и обретают его на худе лежаща долу легании. В лето 6683-го (1175) июня в 29 день[647] и убиваютъ его немилостивно, имуща во устех божественная словеса. И кровь убо течаше по земли праведнаго, якоже древле Авелева[648]. Еще же и ино зло приложиша к тому, яко и тело его предаша водамъ[649]. Но убо не утаися[650] сие всевидящему оку Божию, но вскоре я, убийцы оны, суд постиже, еже явлено бысть и всемъ.
В лето убо 6684-е (1176) прииде ис Киева во Владимиръ брат его, Михайло Юрьевичь[651], и изби убийцы брата своего, и телеса их вверже въ езеро. А жену его повеле повесити на вратех и разстреляти ю изо многихъ луковъ, да накажутся и прочий впредь таковая не творити ктому. И седе на великомъ княжении в Володимере, и быв лете едино, и умре.
И в лето 6685 (1177) седе на великое княжение в Володимере великий князь Всеволод Юрьивичь, и пристави к церкви Святыя Богородицы четыре верхи, юже братъ его созда, князь великий Андрей Боголюбский, и позлати я