и злонечестивый царь! Хотя ты образъ Христов ругаешъ, а Господь станет за свой ликъ, и скоро жди на себя победы! И приидетъ самъ нашъ царь Костентинъ и станет за Бога, и тебе отмститъ!» И царь яростно на них взираша, а самъ рекъ: «Возмите, пилаты, и распнитя их!» И рекли ему бояры: «Государь царь Салтан, пожди царя, либо скоро будет, а пословъ посади в темницу!»
И пасадили накрепко, и пала весть от кораблеников к царю Костентину. И царь Костентинъ скоро пошел к матери своей с плачемъ и почал у матери прошатца. Мать и сынъ поднявъ руки на небо, слезно милости просятъ, чтобы дал Господь помощи на враговъ и отмстилъ бы за свой святой образ. И в ту нощъ явися ангелъ, и рече царю: «Вот тебе конь! Доиди во град Салтанов, отмсти зло за зло, и тебе Господь силу и смелость Христосъ прислалъ!» А в коне — волотья[1453] глава, а во лбу — звезда светит.
И царевич взделъ венецъ на главу, и наряд доброй златой, и мечь с каменемь, и шеломъ с каменми дорагими, и взял юношъ с собою сто человекъ, и сел на агелскаго коня, аки ангелъ, и поехалъ сь юношами своими борзо к Царюграду. А мать ево за ворота провожает, а самъ за городам с матерью прощаетца; и полажила на перси ево чепь златую с каменми, и привешенъ крестъ поклонной с мощами, и благославила ехать днем и нощию.
И какъ приехал ко граду, сталъ сь юноши своими думать: ко царю прямо ли ехать, или весть подать. И поехаши на царевъ двор прямо на пречюдныхъ своих коняхъ.
Приход царя Костентина к царю Салтану на дворецъ: приехалъ, слез с коня и стал на рундуке подперши, и узрилъ Христа своего: на коле глава ево Божия. Стал плакать: «О Господи, Боже мой! Что мне воздать царю за твой святый образ? Хотя я самъ пропаду, а за тебя, Христа своего, стану!»
И поехалъ со царева двора сь юноши своими, и спрашеваетъ у людей и даетъ ребятам по залотому: «Где сидятъ послы костентиновски? Аз хощу имъ милостыню подать!» И ребята указали.
И царевич приехалъ ко темнице, а сторожей всех побилъ смертию, а сам реклъ: «О верные мои, здравствуйте! Аз к вам пришелъ на взыскание Господа своего, и ваше, послов добрых!» Трудные[1454] и по голосу царя не познали и рече: «Кто ты таковъ, нам глаголешъ?» И рече: «Младый царь аз вашъ, Костентин Васильевичь!» И тому оне ради. И царь их выпустилъ, и оне падоша на землю царю со слезами, и царь имъ даде по каню доброму, и поехаша с послами и сь юношами в двор царевъ. Сами с коней слезли, и взяли с кола главу Христову и полажили в ковчегъ златый и с крестом, с честию, а сами пошли в полату цареву.
И у царя много народу. И рече ему царь: «Кто ты таков? Вшел без дакладу, а шелому своего з главы не снимаешъ!» И рекъ царь Костентинъ: «Аз пришел к вам, босурманомъ, хощу аз вас всех погубити за своего Господа Бога и за пословъ своих!» И царь