Кралевичь же, сие слышавъ, вельми бысть печаленъ ни о чесом же, но токмо о разлучении с прекрасною сожителницею своею, плакася горко на многъ час с нею. Она же, взявъ ево и любезно поцеловавъ, рече ему лстивымъ[1485] лицемъ, якоже последи укажетъ: «О господине мой драгий и честнейший! Не вижу я, бедница[1486], что заходитъ свет от очию моею! И се, господине мой, виждь хартию[1487] и чернилы, и разные вапы[1488]». И даде ему трость[1489] в руце ево и хартию, и рече ему: «Назнаменуй[1490], господине мой, своего прекраснаго лица образ на сей хартии по подобию красоты твоей, да яз поставлю его в ложнице[1491] своей в честнемъ месте и стану на него зрети и тебе, сожителника своего драгаго, поминати. И, вспаметовавши твою премъногую ко мне любовь, начну горко плакати и от горести сердца своего сей твой начертанный образъ начну любезно лобзати». Онъ же, яко безлобивъ, вземъ хартию и трость, и вапы, и начерта образа своего подоболичие. И вдаде его, отъиде, печалуяся велми и бия в перси своя.
Поиде в царство то с купцемъ. А купецъ поиде в то царство для торговли о товары. Кралевичь же в путном шествии велми печаленъ бе, поминая любовь сожителницы своея, и велми вкоренилась в сердце его печаль. Видев же его купецъ велми печална, рече ему: «Господине кралевицъ! Вижу я, идеши ты к такому славному царю на честь велию, а велми печалишся. И аз о семъ впадаю в недоумение, зело скорблю. Повеждъ ми, что печаль твоя?» Кралевичь же залився слезами, от горести сердца возрыдавъ, едва рече ему. И сказа про печаль свою, что по дружине[1492] своей оставшейся печалитца велми. Купецъ же, яко благоразсмотрителенъ, рече ему: «О семъ не печалься! Узриши, что ти аз покажу.
Иди и возвративъся в домы своя. А се нощное время приидемъ и видимъ женъ наших, что творятъ, отпустя государей своих в далъные страны».
Кралевичь же пойде с нимъ во градъ, а товарыщевъ оставиша на страже нощней. И приидоша во граде прежде к полате купцевой, где мать его пребываетъ. И влезше к скважини, позревше в полату и видеша ю, молящуся Творцу своему о возвращении сына своего в домъ свой в добром здравии. Видевше же то они, купецъ о семъ радостенъ бысть, а кралевичь подивися и похвали. Пришедше же они к полате же, где купцева жена пребывает. И поглядевше скважнею в полату оконцемъ, и жена купцева тожде творитъ, что и свекровь ея. И купецъ о семъ зело возрадовася.
И паки купецъ взявъ кралевича и поведе его к полате, где пребываетъ кралевичева сожителница. И взявъ купецъ в руце свои мечъ обоюдуостръ и рече ему: «Буди, господине кралевичю, на волю твою! А что увидишь, не оглашай. Аще ль тако сотворишь, и аз могу тя у окошка у скважни на углу мечемъ си заклати».