Лета господня 1596-го.
Всякъ ведати имать сие, и истинна есть повесть моя, зане лутче вемъ и совершеннее, неже соравненники[1538] мои, яко турки по вся времена владения своего победительми выну суще над всеми, ей, народы бывают, но никоегоже к себе множае народа не почитаютъ, ниже на каковъ озыраются, ниже коего зелнее боятся, яко московского и польского народу. Аще ли кто ведати желаетъ, откуду ми сие вестно есть, тогда вократце сице обьявлю.
Сулиман, салтанъ турской[1539], прадедъ нынешнему Махмету-салтану[1540], человекъ мудръ, праведен, воздержателенъ, милостив зело, не точию турские, но и христианские убогие домы милостынями удовольствуяй, и искусенъ сущъ и в художестве небесных течений, и из нихже усматривая узналъ, яко государство и монархия Турская ни от коего народу, токмо от польского изгублено будет, откуду ему сие приходило, что польской народ некогда с московским полунощным народом случитися[1541] имать. Того ради никогда на Польшу не наступалъ, хотя и иным турком и пашом удобнейшее время к разорению и скорейшому обладению показалось, будучи так блиско, понеже городовъ и крепостей не имеетъ и приступление[1542] абие готовое турком и татаромъ само по себе является. И то разсуждая, иных народовъ, яко уже прежде рекох, вмале почитал, брань с ними творя и оных попирая. Народ же польской и московской всегда между инными народы чтилъ, почитал, любилъ, страшился ихъ, перемирья с ними постоянно содерживал. И сверхъ сего, егда выехалъ в венгерскую землю, где потом Сыгере-град взялъ, тогда духовную написав, отдал ю одному славному своему везирю Смахмет-паше, единому от князей словенскихъ наследнику, идеже сие написано бысть: «Вемъ, яко из тоя войны не возвращуся, обчае в Бозе имамъ надежду и в пророке Махмете, что тамо всуе не поеду. Тем же и сынъ мой Селимъ, иже по мне владети учнетъ, и наследники его ведати о семъ имеют, что Богъ, сие небо и звезды его изъявляютъ, яко никоторой народ никогда вредити не можетъ сему государству, кроме самого народу польского. Темже повелеваю и увещеваю, дабы есте никогда на польской народ не наступали