ПОВЕСТЬ ЗЕЛО ПОЛЕЗНА О ДВОЮ КУПЦЕХЪ, О ВИКЕНТИИ, ИЖЕ БЫСТЬ ОТ ГРАДА ЕНЕВЫ, ДА О АМБРОСИИ, ИЖЕ БЫСТЬ ОТ ГРАДА ПЛЯЦЕНТИИ, ЯКО ЕДИНЪ СО ДРУГИМ ПОБИЛИСЯ О ВЕЛИКИЙ ЗАКЛАД О ДОБРОДЕТЕЛЕХЪ ЖЕНСКИХЪ, ВЫПИСАНО ИЗ КНИГИ ЛЕТОПИСЦА
Во граде Париже быша от инехъ странъ купцы приезжие и обещание учинили себе у некоего человека во единомъ дому пребывати. И кииждо[315] купецъ во своемъ упражнении тамо пребываше. Прилучи же ся единою[316] седети имъ на обеде и между собою начаша о житии своемъ, и о домехъ, и о пожитияхъ[317] глаголати. И между некиими глаголы предложили некий глаголъ, яко та есть вещь дивна и поистине сумнителная, яко купеческия жены имутъ быти добродетелны къ мужемъ своимъ: «В разлучении дают обещание благо и постоятелно, еже домъ коегождо насъ[318] добре пасти и самой ей себе во всемъ непорочно блюсти, понеже наша братия, купеческия люди, и всехъ странъ и градов, часто домов своихъ лишаются, и от женъ своихъ разлучаются и, многое время чюждеземствующе, в домы своя не возвращаются. Жены же ихъ купеческия мъножае в домехъ своихъ без мужей своих пребываютъ, нежели с мужьями жителствуютъ».
И между теми купецкими людми бысть некоторый купецъ именем Амбросий, от града Пляцентии, нравом же человекъ непостоянный и блудолюбивый. Их купецким речемъ свою речь изрече: «Азъ поистине про свою жену с похвалою рещи не могу и не ручаюся за ню, но дахъ ей волю по своей воли жити, и како может, сама себе да хранит. Всегда приказываю ей аз, дабы жила во всяком благочестии, и по се время жена моя честь хранила и мене при своей братии никогда в стыд житиемъ своимъ не вводила, и мне во всемъ угодила». И иныя смехотворныя и блудолюбныя речи про свою жену изглагола, яко всемъ слышащим сотвори смеятися.
Тамо же бысть некий купецъ именемъ Викентий, от града Еневы, человекъ постоянный и добронравный, и благоразумный, ничего пустошнаго не глагола, ниже смеяся, и ни смехотворному глаголанию внимая. И некий от купецъ вопроси его, глаголя: «Викентий, ты что седиши печаленъ зело? Чесо ради к симъ глаголомъ ничего не глаголеши?» Викентий же отвеща к нимъ, глаголя:
«Господие мои и братия возлюбленная, кая ваша смехотворная словеса слышю и недоумеваюся, и къ сердцу ихъ не прилагаю. Еже, воспоминая жены своя, смехотворно глаголати, или, ведая их безпорочное житие, за нихъ не поручитися, то бо есть сожителницы своей самое презрение и немилосердие. От коегождо насъ разве кто каков порокъ весть