предати писаниемъ сущимъ по насъ бывшаа преже отець нащихъ, елико они слышаша отъ сущихъ преже ихъ святых отець и елика въ ихъ лета быша, намъ исповедаша, такоже и въ наши лета бывшаа, еже отъ иныхъ слышахомъ и сами видехомъ, бывшаа во обители отца Пафнутиа[3] и ученика его отца Иосифа,[4] и елика отъ нихъ слышахомъ и отъ ученикъ ихъ, сущихъ въ ихъ обителехъ, понеже отецъ нашь Иосифъ по скончании отца своего Пафнутия прииде во свое отечество, на Волокъ Ламский,[5] и состави зъ Богомъ свой монастырь.
Волокъ же той бяше изъначала пределъ Великаго Новаграда.[6] Достоитъ же рещи и о Велицемъ Новеграде, яко древний той бяше градъ. Во времяна святыхъ апостолъ еще не бе ту града, но живяху нарицаемии «словене», идеже ныне Новъградъ. Святый же апостолъ Анъдрей восхоте ити въ Римъ,[7] и вниде во устие Днепрьское и по нему въ Понтъ-море,[8] и тако прииде въ Римъ. Словене же по отшествии его разыдошася по многимъ местомъ. Инии же отъ нихъ седоша около езера великаго Ильмеря,[9] и создаша градъ, и нарекоша имя ему Новъградъ, и прозвашася «новогородци», и пребыша некрещени до великаго князя Владимера.[10]
Волокъ же Ламьский — пределъ того града, и подъ областию архиепископа того града и до сего времени.[11] Тако древний бяше градъ той. Бе же первие на брезе Ламы-рекы, и той ныне нарицаетьца «Старый Волокъ»,[12] великаго же князя Владимера, крестившаго всю Рускую землю. По преставлении же его великий Ярославъ,[13] сынъ его, проязду творя по градомъ рускымъ, прииде на Старый Волокъ. И прошедъ его два поприща,[14] и ста шатры на горе близъ речкы, иже впаде в Ламу, в полудни починути. И явися ему во сне мужъ старъ, и показа ему перъстомъ на другой стране рекы, глаголя: «На семъ месте заложи градъ Волокъ и люди приведи оттулева». И близъ показа гору, и глагола ему: «А на сей горе постави церковь Воздвижение Честнаго Креста Христова и сотвори монастырь.[15] А на нейже почиваеши горе сотвори церковь во имя святаго пророка Ильи и такоже сотвори монастырь».[16] Вопроси же его: «Господи, ты кто еси?» Онъ же рече: «Азъ есмь боговидець пророкъ Илья»,[17] — и, си рекъ, невидимъ бысть. Възбнувъ же благочестивый великий князь Ярославъ и сотвори вся, елика повеле ему святый пророкъ Илья. И градъ сотвори Волокъ идеже и доныне стоить, и оба монастыря на показаныхъ ему горахъ, и внутрь града соборную церковь Воскресение Господа нашего Исуса Христа.[18] И дасть свещеникомъ и обоимъ монастыремъ во окормъление тамгу со всего: и померно, и явку з животины, и пятно;[19] и дастъ имъ грамоты вечныя, и печати златыя приложи, ихже мы самовидци быхомъ и прочтохомъ. И пребыша до князя Бориса Васильевича