Еще же давал есмь и в церковное сооружение великих трех святителей чюдотворцов Петра, и Алексея, и Ионы, что на нашем патриаршем дворе на сенех, в каменное церковное, и келейное, и дворовое дело, и в казну казначеем нашим на всякие наши дворовые обиходы.
Да тою ж своею келейною денежною казною строил домовыя села пречистыя Богородица, которыя запустели прежде нас, иные ж, грех наших, в наши лета повыгорели. И в тех селех аз смиренный соружал Церкви, и ставил наши патриарши дворы для ради наших приказчиков и всяких ради наших обиходов, и християн населял, и на подмогу им деньги давал, и всячески нуждным и погорелым христианом от себя всяко помогал.
И втом бы вашем царском жалование, заздравных и заупокойных милостынных денежных дачах, и в наших патрахельных и в пошлинных доходех, что мы имали к себе в келию, никто и никакое человек по нас не пострадал.
О Богом возлюбленный сыну! Во всех сих написанных молю тя и завещаю соблюдати. Благодать же, милость, мир Господа Бога Спаса нашего Исуса Христа буди на тебе, о Святем Дусе сыну моем, самодержавном великом государе благоверном и христолюбивом Богом венчанном царе и великом князе Борисе Феодоровиче всеа Русии. Тако же и на единородной сестре твоей, благоверной великой государыне царице и великой княгине иноке Александре всеа Русии, и на твоей государеве супруге, благоверной и христолюбивой государыне царице великой княгине Марие, и на ваших благородных чадех, благочестивом и христолюбивом государе царевиче князе Феодоре Борисовиче всеа Русии и на благородной государыне царевне великой княжне Ксение Борисовне.
Тако же и на преосвященных митрополитех, и на архиепископех, и на епископех, и на всем освященном соборе, и на болярех, и на вельможах, и на христолюбивом воинстве, и на всех православных християнех да будет мир, и милость Божия, и пречистыя Богородица, и великих чюдотворцов Петра, и Алексея, и Ионы, и сех святых молитва, и нашего смирения благословение ныне, и присно, и в непроходимыя веки. Аминь.
Писана сия прощальная и разрешенная духовная грамота в Богом хранимом преименитом царствующем граде Москве в дому пречистые Богородицы на нашем патриаршам дворе в лето 7113 (1604)».
На обороте грамоты рукой Патриарха Иова написано:
«Смиренный Иев Божиею милостию патриарх царствующего града Москвы и всеа Великия Росии сию свою духовную грамоту и прощачьную грамоту всем православным християном подписах своею многогрешною рукою и запечатати велел».
На обороте по склейке листов удостоверяющая подпись:
«К сей духовной патриархов духовный отец священиоинок Феодосей руку приложил».