Vasta esas mea patrolando,
Mult' foresti, agri e river
Ме ne savas igra altra lando,
Ube hom' respiras tant' liber'!
VLADIMIR ILYICH LENIN EN SUISIA
Владимир Ильич Ленин в Швейцарии
V. I. Lenin dum plura yari trovesis en exterlando, multa yari lojis en Suisia en kelka urbi e vilaji. En Zürich Vladimir Ilyich lojis en domo N 14 Spielgasse che botisto Kammerer en yari 1916 – 1917. Unesme il vizitis ca urbo en mayo di 1895 yaro, ta-tempe V. I. Lenin bezonis renkontro kun P. Axelrod, membro di grupo revolucionista «Liberigo di laboro».
Komence di agosto 1900 yaro Vladimir Ilyich por du dii vi. zitis Zurich e konversis kun P. Axelrod pri editar «Iskra» e «Zarya». Kelke pose V. I. Lenin kelka-foye esis en Zurich, ube partoprenis diversa kunsidi e kunveni di rusa social-demokrati e diskursis ibe. Hike esis parlektita da lu referati pri la programo e taktiko di rusa socialisti-revolucioneri (1902 y.), pri interna partisala stando (novembro 1904 y.), «Stolipin e revoluciono» (septembro 1911 y.), pri nacionala questiono (junio 1913 y.), «Milito e socialdemokratio» (oktobro 1914 y.), «Internaciona socialista konfero 5 – 8 septembro 1915» (oktobro 1915 y.), «Du Internacionali» e «Kondicioni di paco» ligite kun nacionala questiono» (februaro 1916 y.). En yaro 1915 Vladimir Ilyich multe laboris en biblioteko di Zurich studiante filozofiala literaturo e materiali pri nacionala questiono.
Til januaro di 1916 yaro V. I. Lenin lojis en urbo Bern e translojeskis itere a Zurich, ube il lojis kune sua spozino Nadejda Konstantinovna Krupskaya til marto di 1917, to esas til departo a Rusia. Hike Lenin skribis sua famoza «Letri de-fore», qui havis grandega importo por justa politikala orientizo di bolshevista partiso en komplexa situeso, esinta en Rusia pos subverso di carismo, Ye 27 marto di yaro 1917. V. I. Lenin kun granda grupo di rusa politikala emigranti akompanita da sekretario di Suisiana socialdemokrata partiso Fr. Platten departis a Rusia.
INTERNACIONALO
ИНТЕРНАЦИОНАЛ
Revoltez mondo opresita,
Hungranti, sklavi laboroz'!
La raciono iritita Kombaton volas danjeroz'! Borgeza mondon ni destruktos
Til fundamento; pose ni La propra mondon nov' konstruktos:
Qui esis nul', omneskos ti! Refreno: La kombato-finalo
Decideskas por ni:
Kun lnternacionalo
Viveskos home ni!
Ma nulu ruptos la opreso;
Nul' ento fort, injenioz'.
Ni ganos nia libereso
Per nia manui kaloz! Por supresar la violenti, Retroprenar, quon perdis ni,
Furnelon suflez, forzjez senti
Dum feron sat varmigis vi! ( Refreno) Nur ni, totmonda kombatanti