, села и домы раскопаша
[1731].
Горе граду тому, в немже властелинствует жена! Горе, горе дому тому, имже владеет жена! Зло и мужу тому, иже слушает жены! В нынешних вецех мнози человецы грады многими владеют, а женам своим работают. Извыкли бо жены ихъ в зерцало призирати и вапами[1732] лица помазовати, и вежда свои возвышати, и черновидно лица воображати, и многимъ себе уряжением украшати; и многих очеса на видение красоты своея превращати: украшают бо телеса своя, а не душу. Уды своя связали шелком, лбы своя подтягнули жемчюгом, ушеса своя позавесили драгими серезами[1733], да не слышат гласа Божия, ни святых книгъ писания, ни отецъ своих духовных учения. Жены бо познали путь заблуждения, мужие же возлюбили на женах своих многая украшения, а сами восприяли убогое одеяние на себе носити, все для жен своих украшения. О мужие! От кого есть прияли сия обычаи, иже многая полагают на женах своих украшения? От сего вам несть ползы, толко лише вам злое погубление, ибо женское украшение — всегдашняя мужу сухота и приводит его до остраго меча. Много бо сего бываетъ, еже в великия долги себе влагают и от того вечно погибаютъ, понеже своего не имут, а жен украшают.
Аще же кто хотения ея не исполнит, тогда она зелне воздыхает, слезит и шепчет, ни худа, ни добра не глаголет, очи свои изменяет, нос потупит и зубы своими скрегчет, и что речет муж ея, и она, что меденица[1734] пыхнет и пред ним плачет день и нощь и мужу своему покоя не даетъ, гнев имеет, и муж ея от нея покоя не имат. И она глаголет: „Оных мужей жены ходят красно, и вси их чтут, аз же бедная, в женах возненавиденая, и всеми незнаема и от всех укоряема. Почто ты мне ныне муж? Дабы аз тебе не знала! Аз была дочь богатого отца и матери добрыя и племяни славнаго и таковых бы родителей дщерь, а толко б аз была девицею, был бы мне муж отца богатого и была бы есмь госпожа добру многу, и везде бы чесна, и хвална, и почитаема от всех людей!"
Хочет убо жена, дабы ея вси хвалили и любили и почитали, аще ли иную похвалят, то она возненавидит и вменяет не в дружбу, и чужую похвалу в студ влагает. Аще ли муж ея угодити восхощет, то всех ему любити, ихже она любит, тако и всех сих в ненависти имети, ихже она возненавидит. И всегда хощет болшину имети и никому не хощет покоритися, ни послушати. Всегда хощет повелевати и всего хощет ведати, и поучати, и умети, аще и не умеет и не знает, а глаголет: „Умею и знаю". Аще будет прекрасна и лепа, многи очи имут на ню зрети. Якоже бо в луже вода семо и овамо преходя погибает, такоже и женский разум, яко храмина непокровенна