от Творца си ко твари сердца обращаем
И противная воли божественней деем,
не в благих деяниих, но во злобах спеем.
Аггел злый единощи токмо согрешил есть
гордостию самою и ту помыслил есть.
Мы же многими роды грехов согрешаем,
мыслию я и словом, и делом свершаем,
Тоже не еднократно, но на всяко время,
даже главы преходит греховное бремя.
Над всеми сими, яко суще искуплени
кровию Христовою, ада свобождени.
Цену ту безценную зде пренебрегает,
егда волею ада себе подчиняем.
Та кровь божественная вся ны очищает,
а злоба наша душы грехми оскверняет.
Что убо мы имамы, грешнии, творити?
Потщимся сердца наша довле сокрушити.
Праведнаго Судии право да боимся,
долготерпению же Его удивимся.
А тому дивящеся, молим со слезами,
да изволит явити милость Си над нами.
Явит же всеконечно, аще умилимся;
обратится к нам. аще к Нему обратимся.
Ибо Он готов паче милость нам явити,
нежели нам удобно о ней помыслити.
Яко то Его свойство милость проявляти
и обратившыяся от грехов спасати.
За что буди честь, слава во вся веки Ему,
яко Избавителю и Богу нашему.