Песнь Богородице
Богородице Дево, радуйся, Благодатная Марие, Господь с Тобою: благословенна Ты в женах и благословен плод чрева Твоего, яко Спаса родила еси душ наших.
О умножении любви и искоренении ненависти
и всякой злобы
Тропарь, глас 4-й
Союзом любве апостолы Твоя связавый, Христе, и нас Твоих верных рабов к Себе тем крепко связав, творити заповеди Твоя и друг друга любити нелицемерно сотвори, молитвами Богородицы, едине Человеколюбче.
Кондак, глас 5-й
Пламенем любве распали к Тебе сердца наша, Христе Боже, да тою разжигаеми, сердцем, мыслию же и душею, и всею крепостию нашею возлюбим Тя, и искренняго своего яко себе, и повеления Твоя храняще славим Тя, всех благ Дателя.
Молитва о близких
Господи, Ты знаешь все и любовь Твоя совершенна; спаси и помилуй раба Твоего (назвать имя) Приими сие желание мое как вопль любви, заповеданной Тобой. Аминь.
Молитвы перед началом добрых дел
Царю́ Небе́сный, Уте́шителю, Ду́ше и́стины, иже везде́ сый и вся исполня́яй, Сокровище благи́х и жи́зни Пода́телю, прииди́ и всели́ся в ны и очи́сти ны от вся́кия скве́рны, и спаси́, Бла́же, всех нас как всех челове́к.
Сла́ва Отцу́ и Сы́ну и Свято́му Ду́ху.
Тво́рче и Созда́телю вся́ческих, Бо́же, дела́ рук на́ших, к славе Твое́й начина́емая, Твоим благослове́нием спе́шно испра́ви, и нас от вся́кого зла изба́ви, я́ко еди́н всеси́лен и Человеколю́бец.
И ны́не и при́сно и во ве́ки веко́в. Ами́нь.
Ско́рый в заступле́ние и кре́пкий в по́мощь, предста́ни благода́тию си́лы Твое́я ны́не, и благослови́в укрепи́, и в соверше́ние наме́рения благо́го де́ла рабо́в Твои́х произведи́: вся бо, ели́ка хо́щеши, я́ко Всеси́льный Бог, твори́ти мо́жеши.
Благодарение за всякое благодеяние Божие
Благода́рни су́ще недосто́йнии раби́ Твои, Го́споди, о Твоих вели́ких благодея́ниих на нас бы́вших, сла́вяще Тя хва́лим, благослови́м, благодари́м, пое́м и велича́ем Твое благоутро́бие, и ра́бски любо́вию вопие́м Ти: Благоде́телю Спа́се наш, сла́ва Тебе.
Сла́ва Отцу́ и Сы́ну и Свято́му Ду́ху.
Твоих благодея́ний и даро́в ту́не, я́ко раби́ непотре́бнии, сподо́бльшеся, Влады́ко, к Тебе́ усе́рдно притека́юще, благодаре́ние по си́ле прино́сим, и Тебе яко Благоде́теля и Творца́ сла́вяще, вопие́м: сла́ва Тебе, Бо́же Всеще́дрый.
И ны́не и при́сно и во ве́ки веко́в. Ами́нь.
Богоро́дице, христиа́ном Помо́щнице, Твое предста́тельство стяжа́вше раби́ Твои, благода́рно Тебе вопие́м: ра́дуйся, Пречи́стая Богоро́дице Де́во, и от всех нас бед Твои́ми моли́твами всегда́ изба́ви, еди́на вско́ре предста́тельствующая.
Вводный курс курсов
«Практическая антропология»