и протчих, которыя яже еще за живота его с нимъ не згодили
[1149] во скверных ихъ догматех, яко неуставленные от неуставичного духа движими,
[1150] симже последуют ныне пан Феодосей и панъ Игнатей, не такъ ради ученей, яко зацных для своих паней, — не согласую имъ а ни приемлю: «Ни вкушаю и ни прикоснутся, яже суть во истление». Бо им о том немало тщание, ижебы, вкрадшися в церковь, от уского и прискорбного пути некоторого слабейших наших ко широкому и пространному, брюх ласкающему
[1151] пути, уловили.
А что ваша милость пишешь, ижебы я тебе написал и указал о Люторе, почему есмь (...) нарицал его тевтопрофидом,[1152] и о томъ есми с вашею милостию устне молвил широце, и указывал тебе, иже онъ не только презрел всех, от века угодивших святых, але из Ветхихъ книгъ многих и апостольских посланных некоторых приемлет. Милость ваша, подобно, непамятливы, альбо хощет от нас неяковое вытягнути писание и дати пану Игнатию на ругание нашея церкви Божия. Того у нас не обрящеши, бо сохранимся, по Господню словеси, повергати святыя псом и сыпати бисеры чистыя и световидныя богоукрашения. А ктому и апостолъ заповедаетъ: по первом и втором наказанию всякого еритика отлучитися,[1153] ведый, яко сицевый розвратился уже до конца. Бо ваша милость уже давно к одной стране приклонил ухо, недосведша гаданием, и навык таковым. Еще ктому, яко слышим ото многихъ панов волынцов, яко на лыцыях,[1154] такъ и на съездах, со жарты и шутками, поразитски словеса священные от Божественных Книг хватаючи лопатами, не срамляешся — яко и мы слыхали ото многихъ вашея страны инославных, за купки, полными малмазии — Писанми вещати еуаггельские проповеди, паче же реку, на церковь Бога живаго хуления рыгати. А мы, господине, так не обыкли; но яко научихомся от древних Святых Писаний, такоже и от живых учителей наших, Максима многострадального и от Артемия отца, нового исповедника, со смиренномудриемъ и со кротостию, и со многим прилежанием, и охотою Священного Писания читати и разумевати, не отлучающеся древних великих толковников церковных, а не внемлюще еретическим бредням. А вашей милости есмо довольно со кротостию хотели отвещати у его милости у князя воеводы в Корцу[1155] при многихъ светках,[1156] бо ваша милость сперва был дался слышати, аки бы ни в чомъ хотел от насъ научитися и пользоватися. Вопрошаючи нас, яко с молчанием дали место вопросомъ твоим, тогда ваша милость простер вопросы, и притом вскоре разширил и выклады, утвержаючи их свидетельствы инославных. И того было вящей, неже на године, яко и всем дивитися, не выслушав повести ани мало. А егда мы теми отвещати, аще и мало зело глаголати, а ваша милость зараз возопил: «О, долготе звяг