И не до настоящих яростию сталъ, но и к невещественным сказати устремляется. Звезды с небеси совлащити тщится, сиречь, мучеников веньцов отлучати, и прогнанных и изообиженныхъ мздовъздаяния от праведнаго Судьи лишати умышляет. — Што се естъ таковое дивное глаголешъ? — Митрополиту своему преуродивому, и не точию от патриярха не херотоннисанному, с подобними ему епископы законнопреступними и во всем злостем его согласающими, но и от Филипа, митрополита[1237] преже бывшаго, новоявленнаго священомученика, запрещен и не благословен, мучителски на престолъ наскочилъ.[1238] Техъ всех избиенныхъ от него различними муками, во церквах, на амвоны вошедше, кляти повелевает (таковым в ризи святителские оболченным зверем), и от хрестиянские части отлучати мучеников тщатся; что все в день нелицемернаго, праведнаго суда Христова на главы их обратится. И инъших же злых, еже слышах и видех, на целую книгу не исписалъ быхъ. Мню, иже человекъ бы сего зла человеком не возмогъ сотворити, но сам Дьяволъ, рыкающей яко левъ и ярящийся прелютейше на род хрестиянский, разрешенъ уже будуще от темницы своее и пущенный на прельщение языков, имея ярость велию. Змий[1239] онъ превеликий, имеюще брань со святыми и възвышающе опаш[1240] свой на высоту, низлагающе с небеси третину звездъ небесных,[1241] то есть человековъ нарочитых и властелей хрестиянских, в высоких догматех и в жительстве священнолепном, последи же разслабившихся и славу мира сего възлюбивше, и волею своею под его власть покорившихся, низложил на землю.[1242] То есть[1243] в волю его живых уловилъ. И действует уже ими елико хощет, яко сосуды своими, Богу попущающу по неизреченным судъбам его. А избранных своих Богъ (до конца претерпевших) зде искушающе, аки злато в горниле.
Азъ же вся сия ведехъ и слышах, и бых объят жалостию и стисняем отовсюду унинием, и снедающе те нестерпимые предреченныи беды, яко моль, сердце мое. Помянухъ же и обращахся в скорбехъ ко Господу моему со воздыхании тяжкими и со слезами, просяще помощи и заступления, да отовратит гнев свой и их, и да не презрит унением потребитися.
И утешающи ми ся въ книжных делех, и разумы высочайших древних мужей прохождах. Прочитах, разсмотрях физические,[1244] и обучахся, и навыках еттических.[1245] Часто же обращахся и прочитах сродные мои Священные Писания, имиже праотцы мои были по душе воспитанны. И случило ми ся, часто внимающе в них, вспамятати о преподобном Максиме, новом исповеднику, ибо прилучило ми ся с ним некогда беседовати. И вопросих его о книгах великих учителей наших въсточных,